Leslie Groves

Leslie Groves

Biografía
Nacemento	(en) Leslie Richard Groves 17 de agosto de 1896 Albany, Nova York, Estados Unidos de América
Morte	13 de xullo de 1970 (73 anos) Washington, D.C., Estados Unidos de América
Causa da morte	infarto agudo de miocardio
Lugar de sepultura	Cemiterio Nacional de Arlington, Section 2, grave 3754 38°52′47″N 77°04′23″O
Datos persoais
País de nacionalidade	Estados Unidos de América
Educación	United States Army Command and General Staff College (en) United States Army War College (en) Academia Militar dos Estados Unidos (pt) Queen Anne High School (en)
Actividade
Ocupación	enxeñeiro militar , oficial do exército
Período de actividade	1918 - 1948
Lingua	Lingua inglesa
Carreira militar
Rama militar	Exército dos Estados Unidos de América
Rango militar	tenente xeneral
Conflito	Primeira guerra mundial, segunda guerra mundial e Ocupação estadunidense da Nicarágua (pt)
Participou en
1939	Proxecto Manhattan
Premios  Lexionario da Lexión do Mérito
Sinatura

Leslie Richard Groves Jr., nado en Albany, Nova York o 17 de agosto de 1896 e finado o 13 de xullo de 1970, foi un oficial do Corpo de Enxeñeiros do Exército dos Estados Unidos que supervisou a construción do Pentágono e dirixiu o Proxecto Manhattan, un proxecto de investigación que desenvolveu a bomba atómica durante a segunda guerra mundial.

Traxectoria

Fillo dun capelán do exército, Groves viviu en varios postos militares durante a súa infancia. En 1918 graduouse o cuarto da súa clase na Academia Militar dos Estados Unidos de West Point e foi destinado ó Corpo de Enxeñeiros do Exército dos Estados Unidos. En 1929 estivo en Nicaragua como parte dunha expedición para realizar unha sondaxe para o canal de Nicaragua. Tralo Terremoto de 1931 en Nicaragua, Groves encargouse do sistema de subministración de auga de Managua, polo que recibiu a Medalla Presidencial ó Mérito de Nicaragua. Asistiu á escola de mandos e xenerais de Fort Leavenworth, Kansas en 1935 e 1936, e á Facultade de Guerra en 1938 e 1939, tral que foi destinado ó Departamento de Guerra. En 1940 pasou a ser asistente especial para a construción, coa tarefa de inspeccionar localizacións de construción e revisar os seus progresos. En atosto de 1941 foi destinado á construción do complexo de oficinas para os 40 000 membros do persoal do Departamento de Guerra que finalmente sería o Pentágono.

En setembro de 1942 fíxose cargo do Proxecto Manhattan, e estivo involucrado na maioría de cuestións relacionadas co desenvolvemento da bomba atómica. Participou na escolla de localizacións para a investigación e produción en Oak Ridge, Tennessee, Los Alamos, Novo México e Hanford, Washington. Dirixiu os traballos de construción, tomou decisións críticas sobre os varios métodos de separación de isótopos, encargouse da adquisición de materia prima, dirixiu as operacións de obtención de información militar sobre o proxecto alemán de enerxía nuclear e axudou na escolla das cidades do Xapón que serían obxectivo de bombardeo. Groves tentou manter a seguridade do Proxecto Manhattan pero non puido evitar que a Unión Soviética levase a cabo un programa de espionaxe que roubou algúns dos segredos máis importantes do proxecto.

Trala guerra Groves mantívose no cargo do proxecto ata que a responsabilidade da produción de armas nucleares pasou a ser da Comixión da Enerxía Atómica en 1947. Pasou entón a liderar o Proxecto de Armamento Especial das Forzas Armadas, creado para controlar os aspectos militares das armas nucleares. Retirouse o 29 de febreiro de 1948, ocupando posteriormente o posto de vicepresidente na compañía Sperry Rand.

Véxase tamén

Bibliografía

• Fine, Lenore; Remington, Jesse A. (1972). The Corps of Engineers: Construction in the United States (en inglés). Washington, D.C.: United States Army Center of Military History. OCLC 834187. 
• Groves, Leslie (1962). Now It Can Be Told: The Story of the Manhattan Project (en inglés). Nova York: Harper. ISBN 0-306-70738-1. OCLC 537684. 
• Jones, Vincent (1985). Manhattan: The Army and the Atomic Bomb (en inglés). Washington, D.C.: United States Army Center of Military History. OCLC 10913875. 
• Lawren, William (1988). The General and the Bomb: A Biography of General Leslie R. Groves, Director of the Manhattan Project (en inglés). Nova York: Dodd, Mead. ISBN 0-396-08761-2. OCLC 6868107. 
• Nichols, Kenneth D. (1987). The Road to Trinity (en inglés). Nova York: William Morrow and Company. ISBN 0-688-06910-X. OCLC 15223648. 
• Norris, Robert S. (2002). Racing for the Bomb: General Leslie R. Groves, the Manhattan Project's Indispensable Man (en inglés). South Royalton, Vermont: Steerforth Press. ISBN 1-58642-039-9. OCLC 48544060.