تەقینەوەکانی پەیجەرەکانی ٢٠٢٤ی لوبنان

لە ١٧ و ١٨ی ئەیلوولی ٢٠٢٤، ھەزاران پەیجەری دەستی و سەدان واکی تۆکی کە لەلایەن حیزبوڵڵای لوبنانەوە کە پارتێکی سیاسی و میلیشیایەکی لوبنان بەکاردەھێنران، لە ھێرشەکانی ھاوکاتدا لە سەرانسەری لوبنان و سووریا تەقینەوە. تا ١٩ی ئەیلوول ٣٧ کەس کوژراون، کە لانیکەم ١٢ کەسیان مەدەنی بوون. بەپێی نیویۆرک تایمز، دەزگای ھەواڵگریی مۆساد ئەو ئامێرانەی دروست کردووە. ئەم ڕووداوە بە گەورەترین پێشێلکاری ئەمنی ڕێکخراوەکە لە سەرەتای دەستپێکردنی شەڕەوە وەسف کرا.تەقینەوەکانی ١٧ی ئەیلوول کە پەیجەرەکانی تێدابوو و لە دەوروبەری کاتژمێر ١٥:٣٠ (بە کاتی ھاوینی ئەورووپای ڕۆژھەڵات) ڕوویدا، لانیکەم ١٢ کەس کوژران و زیاتر لە ٢٧٥٠ کەسیش برینداربوون. زۆرێک لە قوربانییەکان ئەندامانی حیزبوڵڵا (لەوانەش ئەندامانی مەدەنی حیزبوڵڵا و خەڵکی مەدەنی دیکە وەک منداڵانی لەخۆدەگرت. تەقینەوەکانی ١٨ی ئەیلوول لە ئامێری واکی تۆکی ئایکۆم لانیکەم ٢٥ کەس کوژران و ٧٠٨ کەسیش بریندار بوون ھەروەھا باس لەوە دەکرێت کە ئامێرە ئەلیکترۆنییەکانی دیکە وەک ئامێری بایۆمەتری تەقیونەتەوە، بەڵام پشتڕاست نەکراوەتەوە کە ئایا ئەو ئامێرانە بەھۆی تەقینەوەکانی دیکەوە ئاگریان گرتووە یان خۆیان تەقیوەتەوە. [ سە ڕچاوە یە کی ئە منی ڕۆیتە ڕز ڕای گە یاند کە ھە سە دە نزیکە ی پێنج مانگ پێش ھێرشە کە، پە یجە ڕ و ڕادیۆیە کانی کڕیوە. تەقینەوەکان چەند ناوچەیەکی لوبنانیان گرتەوە، لەوانە گەڕەکی داھیێھ لە بەیرووت، باشووری لوبنان و دۆڵی بێقاع لە سنووری لوبنان و سووریا کە بە پیگەی حزبوڵڵا دادەنرێت. ھەروەھا لە چەند شوێنێکی سووریا تەقینەوە. سەرەتا ڕوون نەبوو کە ئایا تەنھا ئەندامانی حزبوڵڵا پەیجەرەکانیان ھەڵگرتووە بەڵام دواتر پشتڕاستکرایەوە کە پەیجەرەکان ئەوانەن کە بەسەر ئەندامەکان دابەشکراون. نزیکەی ١٥٠ نەخۆشخانە لە سەرانسەری لوبنان پێشوازییان لە قوربانیانی ھێرشەکە کرد، کە دیمەنی ئاژاوەگێڕانەی بەخۆیەوە بینی. لە نێو ئەو کەسانەی کە کوژراون، دوو منداڵیش ھەبوون. باڵیۆزی ئێران لە لوبنان بەھۆی تەقینەوەی پەیجەرێکەوە بریندار بوو. بەرپرسانی نێودەوڵەتی و زانایانی یاسای جەنگ پرسیاریان لە یاسایی بوونی ھێرشەکانی پەیجەر کرد بەپێی پرۆتۆکۆڵی مین و بووبی-تراپ و ئامێرەکانی تر. لە شوباتی ٢٠٢٤، حەسەن نەسروڵڵا، ئەمینداری گشتی ھەسەدە، بە ئەندامانی گرووپەکەی گوت لەبری مۆبایل پەیجەر بەکاربھێنن، ئیدیعای کرد ئیسرائیل دزەی کردووەتە ناو تۆڕی مۆبایلەکانیانەوە. دواتر حیزبوڵڵا مارکەیەکی نوێی پەیجەری کڕی، مۆدێلەکانی گۆڵد ئەپۆلۆ AR924 کە لە تایوانەوە ھاوردەکرابوون. نەسروڵڵا لە وەڵامی تەقینەوەکاندا، بە کردەوەیەکی شەڕ و بە ڕاگەیاندنی شەڕ لەلایەن ئیسرائیلەوە وەسفی کرد. ھەسەدە سوێندی خوارد کە تۆڵەی خۆی بکاتەوە. دوای تەقینەوەکان، یۆاڤ گالانت وەزیری بەرگری ئیسرائیل «قۆناغێکی نوێی» شەڕی دژی تەوەری بەرگری ڕاگەیاند، بە گرنگیدان بە باکووری ئیسرائیل کە ھاوسنوورە لەگەڵ لوبنان.